記得仲會寫日記，仲會Blogger畀人睇嘅一個年代，已經係中學生年代。果陣時由初中寫到中七。其他同學寫xanga，而我就偏偏寫Blogger。記得有一年有個隔離枱嘅男同學追緊一個女仔，個男同學居然會share佢追緊嘅女仔嘅MSN同Xanga畀我，結果我每一日又偷偷睇下個女仔究竟有冇喺Xanga提下我（當然每一日都冇啦）。距離而家，不知不覺，10年都真係有。而家睇返以前寫果d野，真係好幼嫩。鬼咩，果陣寫緊嘢嘅我仲係十幾歲，而家已經係差唔多三十歲啦。有時候真係不得不承認，自己真係老啦。
以前細個情感豐富之餘，仲好想表達一下內心感情。不過人越大，哈（其實好想打「唉」，但真係打唔落手），反而越來越收埋自己，係架，唔知點解，真係唔知點解。
尋日我撞返前度，見到佢冇咩感覺，我諗都係呃人。同佢分咗手一年啦，而我哋都有接近一年冇見。對上一次嘅見面，佢好急急腳咁逃避我，見到佢咁樣，我都只好配合佢，唔好畀佢再見到我。
我自己今年啱啱好30歳，拍過4次拖，但如果真係計拍拖，可能只係得3次咁大把。以前會好羨慕分邊d朋友點解拍拖就幾年，然後見證埋佢地結婚，生BB。而我每一次拍拖，都只係拍咗1年，又或者少過1年。
點解無啦啦會講起拍拖呢？可能我而家仲有關於前度嘅事未放低，其實講到呢度，係架，我好想搵一個樹窿，畀我爆下我而家內心嘅果種.......抑壓？我都知應該點形容，總之就係想講曬出嚟啦。
...
以前細個情感豐富之餘，仲好想表達一下內心感情。不過人越大，哈（其實好想打「唉」，但真係打唔落手），反而越來越收埋自己，係架，唔知點解，真係唔知點解。
尋日我撞返前度，見到佢冇咩感覺，我諗都係呃人。同佢分咗手一年啦，而我哋都有接近一年冇見。對上一次嘅見面，佢好急急腳咁逃避我，見到佢咁樣，我都只好配合佢，唔好畀佢再見到我。
我自己今年啱啱好30歳，拍過4次拖，但如果真係計拍拖，可能只係得3次咁大把。以前會好羨慕分邊d朋友點解拍拖就幾年，然後見證埋佢地結婚，生BB。而我每一次拍拖，都只係拍咗1年，又或者少過1年。
點解無啦啦會講起拍拖呢？可能我而家仲有關於前度嘅事未放低，其實講到呢度，係架，我好想搵一個樹窿，畀我爆下我而家內心嘅果種.......抑壓？我都知應該點形容，總之就係想講曬出嚟啦。
(Read more)
小弟電郵，歡迎交流。