Links|Guestbook|Profile|人生第一次日本之旅
星期六, 1月 18, 2020

好耐無見

0 ご意見
記得仲會寫日記,仲會Blogger畀人睇嘅一個年代,已經係中學生年代。果陣時由初中寫到中七。其他同學寫xanga,而我就偏偏寫Blogger。記得有一年有個隔離枱嘅男同學追緊一個女仔,個男同學居然會share佢追緊嘅女仔嘅MSN同Xanga畀我,結果我每一日又偷偷睇下個女仔究竟有冇喺Xanga提下我(當然每一日都冇啦)。距離而家,不知不覺,10年都真係有。而家睇返以前寫果d野,真係好幼嫩。鬼咩,果陣寫緊嘢嘅我仲係十幾歲,而家已經係差唔多三十歲啦。有時候真係不得不承認,自己真係老啦。

以前細個情感豐富之餘,仲好想表達一下內心感情。不過人越大,哈(其實好想打「唉」,但真係打唔落手),反而越來越收埋自己,係架,唔知點解,真係唔知點解。

尋日我撞返前度,見到佢冇咩感覺,我諗都係呃人。同佢分咗手一年啦,而我哋都有接近一年冇見。對上一次嘅見面,佢好急急腳咁逃避我,見到佢咁樣,我都只好配合佢,唔好畀佢再見到我。

我自己今年啱啱好30歳,拍過4次拖,但如果真係計拍拖,可能只係得3次咁大把。以前會好羨慕分邊d朋友點解拍拖就幾年,然後見證埋佢地結婚,生BB。而我每一次拍拖,都只係拍咗1年,又或者少過1年。

點解無啦啦會講起拍拖呢?可能我而家仲有關於前度嘅事未放低,其實講到呢度,係架,我好想搵一個樹窿,畀我爆下我而家內心嘅果種.......抑壓?我都知應該點形容,總之就係想講曬出嚟啦。
...
(Read more)
星期四, 10月 27, 2016

又寫返Blog

0 ご意見
心血來潮想寫返嘢唔係今時今日嘅事,而係壓抑咗好耐嘅事。呢兩年自己發生咗好多事,遇上好多人,打過好幾份工,仲戀愛過然後分手。

其實我文筆唔係好好,但份人鐘意諗嘢寫嘢,就係咁,今年出咗自己嘅第一本書。

我以後唔知會唔會以寫作維生,老實講,以後嘅嘢又點會有人知。所以,無聊果陣都係寫下嘢穩陣,反正返工果陣大把時間寫。
...
(Read more)
星期三, 7月 31, 2013

斯諾登案

0 ご意見

斯諾登案在香港的風波至今應該已告一段落。事情正正反映出香港係處理任何國際關係的事務,都無獨立決定權,一切受中央擺佈。

自斯諾登係香港公開以來,所有香港高層官員都亳無「吉士」去評論或談論有關這個美國間諜的任何事,每次出來只識講廢話。唔係「會根據香港法律」就係「現階段唔方便評論」。

事件無疑影響港美關係或者美國對香港處理中美之間既角色。之前港府同美國傾過美國免簽證問題暫時可以話成件事會告一段落。港美關係從來唔見得係咩一回事,除咗經濟利害關係,香港係美國立足點唔及日本、韓國、新加坡。加上華府亦好清楚究竟香港現時嘅政治處境。同台灣相比,容許台灣人免簽訪美更達到要觸碰中央政府神經線預期效果。畀特區護照免簽,只會令中共更多人嚟香港拎香港身份證,赴美打黑工、過期居留甚至做間諜等等,事件對香港、美國都無好處。

經歷斯諾登一事,希望有更多港人會認清一國兩制事實。而香港呢個傀儡,係美國立場已經毫無利用價值。

...
(Read more)
星期六, 6月 22, 2013

久違的Blog

2 ご意見

自從讀完中學,去完旅行之後,我已經無再用Blogger記錄下生活點滴。可能Blog只係一個潮流,而家已經唔興,無以前咁多人用。中學年代玩Xanga,ICQ,到Blog,MSN,直至有我地用緊既twitter ,Facebook,instagram,Whatsapp,Line。方式同樣相同,其實都係想Share自己既感受或者身邊既事物,可惜風格或者心態已經好唔同。以前鐘意打文打到長篇大論覺得文字越多越豐富,一定吸引到大打人睇,好似好威咁搏人留言。而家連字都唔想寫多隻,post一張相然後越多越人like代表更多認同感。
自己唔識打字,所以post文往往花好多時間,但我鐘意多文字。文字係咁多種我覺得係最舒服既溝通方式。當你想知你一個朋友諗咩或做緊咩忙緊咩,留意佢打既野好自然一目了然。又或者你想抒發你既心情而身邊又無對象畀你傾訴,打文字一定有人睇,至少有你自己睇同未來既你可以睇。
當我睇返自己以前打過既Blog時,只有一個Comment畀自己:on 9。原來以前既自己可以on 9成咁,不過如今證明自己已經係無打Blog既短短兩三年成長左唔少。
好想試下Keep住打返Blog。

...
(Read more)
星期六, 3月 06, 2010

兩年前的感覺歸來了

0 ご意見
時也命也,想不到自己的高考已不知不覺地開始。不知道怎形容,兩年前,那會考的感覺居然回來了。連很少發生的「回光反照」也出現,是否應該要憂慮?我想不必了,既然是時也命也,也不必刻意。

有同學說會考不同高考,會考失敗並不代表高考一定會滑鐵瀘,相反會考成功(事實會考最成功的一批經已拔尖,不必經高考折磨,才是最聰明的一批)亦不能反映高考順順利利,安然無恙。會考不同高考,因為兩者是不同程度的考試。

依我說,分得清會考和高考的,對考試已熟悉,然而兩年前的感覺歸來了,就證明,它仍是一個挑戰,作為沒有全盤把握,打一場沒有把握的仗時,相同的預感總是會相差無幾。但是仗依然要打! ...
(Read more)
星期日, 1月 03, 2010

おっぱいバレー

0 ご意見
《おっぱいバレー》

在未說後感之先,戲名也相信讓人進退不能,《巨乳排球》也算是直譯,這樣的「巨乳」,加上綾瀨遙,真不可想像。就算知道是青春勵志喜劇,也令人尷尬不已。 ...
(Read more)
免責声明書:このブログの全て内容が虚構的と考えであります。ブログの内容が法律行動に使いなりません。まだは証拠になりません。このブログの著者が読者と使用者に全ての法律責任を受けません
 
© Copyright 2007-2016 by rijienriya. All Rights reserved. Powered by Blogger.com 版權只是人類邪惡面,名義封號。