tech 100收市：30139.97
平均買入價：30420
平時返6:30pm，放飯先9:30pm，但10:00pm先收市。到咗放工5:00am，盤前都已經開咗6個鐘了…
不過點都好，每日都打少少野表達下心情先。今日fomc 議息，後悔唔點解30500前走，開咗記者會之後一枝大陰蠋真係嚇到個心離一離😭之後好彩反彈返少少，但心力少d都唔得
早知買日經，如果唔係已經返咗家鄉，而家要等tech 100上返30975再破頂升到至少31500先可以平手離場🥹🥹🥹🥹🥹
...(Read more)
星期四, 6月 18, 2026
星期日, 6月 14, 2026
呢個星期又冇OT…
生活很難，嚟到英國，而家返4日，週薪£5xx，如果搶到OT就可以有£7xx。
房租£375，如果一個月慳d駛，儲£1500都叫OK，不過人可能想望高處，而家咁嘅生活方式感覺都係好似生存咁樣。
呢2日股市休息，今晚又要開始心臟負荷嘅環節。買咗pro分析話納指期貨又要跌1300點，覺得都可信，因為上星期個阻力磨咗成日都突破唔到。但美股又算係強到你唔信，佢一旦破左個阻力又會行到痴線…加上已經買入，都會係想佢升多…
有時做人生活就係咁，呢種生活壓力不知不覺間好似已經有一段時間。唔係話要做千萬富翁（原來通脹下百萬富翁都已經係甚麼都不是），但至少起碼生活上出街買嘢唔駛睇吓價錢，得閒放假去旅行，買張機票唔駛禁幾日格下價再考慮清楚啦…
好啦今日星期日，休息多一陣，晏晝又要準備今晚返工。
...(Read more)
星期五, 6月 12, 2026
心血來潮又想寫返野
又過咗若干年，香港同我，又或者加埋你，應該都經歷過唔少事。
不知不覺原來都嚟咗英國第4個年頭，住緊一個唔知名小鎮，又唔近倫敦，又唔近曼城，放假大部分時間其實都唔係太想出街，有時都覺得自己真正與世界隔絕。
心血來潮之下其實都想寫返野，除咗想記錄下生活之外，自從嚟咗英國之後認識咗投資，不過老實講，自己嘅管理有d差，同埋好容易受情緒波動，唔識得理性買入/賣出，同埋好容易受股市搞到情緒大起大落。
人到中年，回顧過去嘅自己，我覺得都叫做無悔這一生。但講到要做返一個平凡人應該有嘅人生時，我有時又覺得自己幾失敗。讀書唔係幾掂，工又冇乜前途，錢又儲唔到，更加唔好講結婚生仔。
所以而家想寫返野，每日寫d，每日寫d，當記錄下自己有幾失敗又好，當喺失敗中搵返少少成就又好啦，就係咁。
...(Read more)
星期六, 1月 18, 2020
好耐無見
記得仲會寫日記，仲會Blogger畀人睇嘅一個年代，已經係中學生年代。果陣時由初中寫到中七。其他同學寫xanga，而我就偏偏寫Blogger。記得有一年有個隔離枱嘅男同學追緊一個女仔，個男同學居然會share佢追緊嘅女仔嘅MSN同Xanga畀我，結果我每一日又偷偷睇下個女仔究竟有冇喺Xanga提下我（當然每一日都冇啦）。距離而家，不知不覺，10年都真係有。而家睇返以前寫果d野，真係好幼嫩。鬼咩，果陣寫緊嘢嘅我仲係十幾歲，而家已經係差唔多三十歲啦。有時候真係不得不承認，自己真係老啦。
以前細個情感豐富之餘，仲好想表達一下內心感情。不過人越大，哈（其實好想打「唉」，但真係打唔落手），反而越來越收埋自己，係架，唔知點解，真係唔知點解。
尋日我撞返前度，見到佢冇咩感覺，我諗都係呃人。同佢分咗手一年啦，而我哋都有接近一年冇見。對上一次嘅見面，佢好急急腳咁逃避我，見到佢咁樣，我都只好配合佢，唔好畀佢再見到我。
我自己今年啱啱好30歳，拍過4次拖，但如果真係計拍拖，可能只係得3次咁大把。以前會好羨慕分邊d朋友點解拍拖就幾年，然後見證埋佢地結婚，生BB。而我每一次拍拖，都只係拍咗1年，又或者少過1年。
點解無啦啦會講起拍拖呢？可能我而家仲有關於前度嘅事未放低，其實講到呢度，係架，我好想搵一個樹窿，畀我爆下我而家內心嘅果種.......抑壓？我都知應該點形容，總之就係想講曬出嚟啦。
...
以前細個情感豐富之餘，仲好想表達一下內心感情。不過人越大，哈（其實好想打「唉」，但真係打唔落手），反而越來越收埋自己，係架，唔知點解，真係唔知點解。
尋日我撞返前度，見到佢冇咩感覺，我諗都係呃人。同佢分咗手一年啦，而我哋都有接近一年冇見。對上一次嘅見面，佢好急急腳咁逃避我，見到佢咁樣，我都只好配合佢，唔好畀佢再見到我。
我自己今年啱啱好30歳，拍過4次拖，但如果真係計拍拖，可能只係得3次咁大把。以前會好羨慕分邊d朋友點解拍拖就幾年，然後見證埋佢地結婚，生BB。而我每一次拍拖，都只係拍咗1年，又或者少過1年。
點解無啦啦會講起拍拖呢？可能我而家仲有關於前度嘅事未放低，其實講到呢度，係架，我好想搵一個樹窿，畀我爆下我而家內心嘅果種.......抑壓？我都知應該點形容，總之就係想講曬出嚟啦。
(Read more)
星期四, 10月 27, 2016
又寫返Blog
心血來潮想寫返嘢唔係今時今日嘅事，而係壓抑咗好耐嘅事。呢兩年自己發生咗好多事，遇上好多人，打過好幾份工，仲戀愛過然後分手。
...
其實我文筆唔係好好，但份人鐘意諗嘢寫嘢，就係咁，今年出咗自己嘅第一本書。
我以後唔知會唔會以寫作維生，老實講，以後嘅嘢又點會有人知。所以，無聊果陣都係寫下嘢穩陣，反正返工果陣大把時間寫。
(Read more)
星期三, 7月 31, 2013
斯諾登案
斯諾登案在香港的風波至今應該已告一段落。事情正正反映出香港係處理任何國際關係的事務，都無獨立決定權，一切受中央擺佈。
自斯諾登係香港公開以來，所有香港高層官員都亳無「吉士」去評論或談論有關這個美國間諜的任何事，每次出來只識講廢話。唔係「會根據香港法律」就係「現階段唔方便評論」。
事件無疑影響港美關係或者美國對香港處理中美之間既角色。之前港府同美國傾過美國免簽證問題暫時可以話成件事會告一段落。港美關係從來唔見得係咩一回事，除咗經濟利害關係，香港係美國立足點唔及日本、韓國、新加坡。加上華府亦好清楚究竟香港現時嘅政治處境。同台灣相比，容許台灣人免簽訪美更達到要觸碰中央政府神經線預期效果。畀特區護照免簽，只會令中共更多人嚟香港拎香港身份證，赴美打黑工、過期居留甚至做間諜等等，事件對香港、美國都無好處。
經歷斯諾登一事，希望有更多港人會認清一國兩制事實。而香港呢個傀儡，係美國立場已經毫無利用價值。
...(Read more)
訂閱：
文章
(
Atom
)
免責声明書：このブログの全て内容が虚構的と考えであります。ブログの内容が法律行動に使いなりません。まだは証拠になりません。このブログの著者が読者と使用者に全ての法律責任を受けません
小弟電郵，歡迎交流。